50 Cent-a G-Unit Sneakers kha a vanglai chuan Air Jordan tluk zetin kan hralh ṭha : Reebok CEO

Rapper 50 Cent signature shoe, G-Unit kha a vanglai chuan a hralh ṭha ṭhin hle a, an hlawhtlinna chan kha tuna Air Jordan tluk zet a ni tiin Reebok CEO Todd Krinsky chuan a sawi.

The Complex Sneakers Podcast-in an kawmnaah Todd chuan, "Color chi khat zel kha pair 40,000-50,000 vel kan hralh ṭhin a, kan hralh zat hi Jordan pheikhawkte nen kan khaikhin fo ṭhin a ni," tiin G-Unit sneakers chu Air Jordan tluk zeta pheikhawk lar leh mite ngaihven a nih ṭhin thu a sawi.

Todd chuan an product tam zawk an hralhchhuah theihnan Hip-Hop lama mi hming thang an sawm thu sawiin, Jay-Z nen inremna an neih hnuah, 50 cent nen USD mtd 80 velin inremna an ziak leh tih a tarlang.

50 cent chu mahni hnaa inpe mi tak, a hun taka meeting thleng ṭhin leh kartina an hralhchhuah zat hre turin zawhna a siam hmasa ber ziah tiin sumdawnnaa rapper inpekna chu a fak hle.