Pensy hla thar Ka tan Krawsah ngei chuan

Pensy B Lalthangliani chuan hla thar 'Ka tan Krawsah ngei chuan' a tichhuak dawn a, a hla thar tur music video teaser pawh hi YouTube lama thlir theih turin a chhawp chhuak tawh a ni.

'Ka tan Krawsah ngei chuan' hi Zohmaa Jahau phuah niin Sanga Renthleiin a thluk a siam thung a, kumin chhunga Pensy music video hmasa ber tur niin tunkar chhung chuan tihchhuah hman an inbeisei tih Pensy chuan Vanglaini a hrilh.

Teaser aṭangin music video a hmuhnawm dawn tih a chiang a, a hla pawh a nalh dawn tih a chiang bawk.

'Ka tan Krawsah ngei chuan' hi misual leh phatsantu, thlamuanna zawng si nun Pathianin Kraws hmanga kawng min kawhhmuh zia tarlanna hla a ni a, Pathian hre tawh hnu ni mah ila sual vanga na leh thin, Pathian tel loa sual do zo lo kan nihzia tarlanna hla ṭha tak a ni.