Ka farnu tihsual aṭangin ka inzir : Olivia Culpo

Miss Universe 2012, Olivia Culpo chuan a laizawn Aurora leh Mikey Bartone inṭhenna aṭangin thil tam tak a zirchhuah thu a sawi. Olivia hi NFL star Christian McCaffrey nen an inzui mek. "The Culpo Sisters" clip an tihchhuahah Olivia hian, "A nihna tak sawi chuan Mikey khan ka laizawnnu kha inneih leh fa neish pui a duh lo. Aurora erawh chuan khang zawng zawng kha a duh thung. Chuvangin amah leh an chhungkaw chungah pressure na tak a siam phah a ni," tiin duhthuhmun loh avanga inṭhen an nih thu sawiin, a laizawnnu tihsual ang kha a chungah thlentir ve a duh loh thu a sawi.

Kum 2013 -2015 inkara Nick Jonas kawppui hlui chuan a ngaihzawng nen fa neih ve ve an duh thu sawiin "Christian hi football-ah a insawrbing a, chu chu a tihtur reng pawh a ni. Kum 25 mi a ni a, fa nei turin a la inpeih lo. Fa neih chungchang sawi hi chuan rilru hi a buai ve ṭhin hle," tiin an eizawnna chu an dah hmasak rih thu a sawi.