Transformers : Rise of the Beasts trailer a chhuak; A turu lehpek dawn

Thawm nei loa hun rei tak an awm hnuah, Transformer chhunzawmna pawh peihfel thawkhat a ni ta. He film hi 90's hunlaia Beast Wars cartoon behchhana siam niin, trailer en tawh tan chuan a turu lehpek dawn tih a lang chiang. Anthony Ramos, Dominique Fishback, Michelle Yeoh leh Pete Davidson-ten an aw an thawh bawk ang.

Rise of the Beasts hi reboot a nih piah lamah, Bumblebee sequel a ni tel bawk. Creed II director, Steven Caple Jr chuan a direct leh dawn a ni.

Kum 2006 aṭang khan Paramount chuan transformer film paruk an tichhuak tawh a, 1980's set spinoff Bumblebee pawh an lo siam tawh a ni. Michael Bay chuan kum 2007-17 inkarah Transformer film hmasa pangate hi a lo direct tawh a, tun thlengin he franchise hian USD tld 5 chuang a hailut tawh. Rise of the Beast hi nakkum June 9-ah tlangzarh a ni ang.