Gangnam Style-in en a la hlawh zel

South Korean singer Psy hla hit 'Gangnam Style' chuan youtube lamah en a hlawh zui zel a, viewer 3,003,109,173 zet an awm tawh.

'Gangnam Style' hian youtube-a entu ngah lamah pathumna a hauh phak a, a tluk loh chu - Luis Fonsi leh Daddy Yankee te sak 'Despacito' leh Wiz Khalifa leh Charlie Puth te sak 'See You Again' te an ni. Heti chung hian 'Gangnam Style' hian record duhawm tak a siam tho a, youtube-a viewer tluklehdingawn khat nei tling hmasa ber a ni. 'Gangnam Style' hi Billboard Hot 100 chart-ah pawh pahnihna a hauh phak a, Korean hla zinga chart-a thleng sang ber record a ni bawk.

Hetih lai hian you­tube-a entu ngah ber chu Luis Fonsi leh Dad­­dy Yankee te sak 'Despacito' a ni a, vie­wer hi 4,426,251,107 zet an awm tling tawh. 'See You Again' hla chu enhlawh ber dawttu niin, mi 3,240,912,235 zetin an en tawh a ni.