Re 1 note-in kum 100 tling

Re 1 note chuan nimin khan kum 100 a tling. Re 1 note hmasa ber hi kum 1917, November 30 khan siamchhuah niin, King George V thlalak a chuang a ni. Kum 1926 khan a siamna senso ngaihtuah ṭhat a ngaih vangin tihtawp a ni a, mahse 1940 khan tihchhuah leh a ni. 1994 ah tihtawp ni lehin, kum 2015-ah Re 1 note hi hman a ni leh. Pawisa note dang ang lo takin Re 1 note-a hian RBI governor signature a chuang lo a, finance secretary-in a sign thung. Note tihchhuah hmasak berah hian British finance secretary pathum–MMS Gubbay, AC McWatters leh H Denning-ten an hming an sign a ni.