Vulmawi Award 2022 sem a ni ta ; Vulmawi Award record siamtu C. Lalzarmawia

Vulmawi Award 2022 chu Zirtawpni liam ta (2.12.2022) zan khan Saikuti Hall, Lungleiah sem a ni.

Vulmawi Award hi kum 2007 aṭangin sem ṭan a ni a, kum 2007 leh 2008-ah Lunglei District huapin sem a ni. Kum khat an awl hnuah Organising Committee member ten Mizoram huapa sem tawh ni se an ti a, kum 2010 aṭangin Mizoram huapin an sem ṭan.

John Mawitea leh Mapuii Fanai chuan kum 2010, 2012 leh 2016-ah Best Song Composer an dawng a, category pakhata award dawng zing ber an ni.

Pensy B. Lalthangliani pawhin a zawnin ṭum thum, kum 2010, 2012 leh 2014-ah Best Female Gospel Award a lo la tawh bawk.

Vulmawi Award dawng hnem ber chu C. Lalzarmawia a ni thung. Kum 2010-ah Song of the year-ah 'Hriat chian leh zual' tih hla hmangin a dawng a, 2014-ah 'Best Song Composer' dawngin 2016-ah Song of the year-ah ‘Min hmangaih si a’ tih hlaah a dawng leh. Hei bakah kum 2012 khan Best Musician Award a dawng a, hemi ṭum hian Best Album 'C. Lalzarmawia hlate' tihah dawngin bawkin, kum 2018-ah Best Album, 'Rimawi ropui ber' a dawng leh a ni. C.Lalzarmawia hian Vulmawi Award ṭum 6 zet a dawng tawh a, Vulmawi Award record a siam.

Vulmawi Award dawngtute chu :
1. Best New Artist (Lengzem/ Lenglawng)
SaiWanah

2. Best New Artist (Gospel)
Stacy Punte

3. Best Male Artist (Gospel)
Zorema Khiangte

4. Best Female Artist (Gospel)
Cindy Lalthanpuii

5. Best Male Artist (Lengzem/ Lenglawng)
Vanlalhmangaiha

6. Best Female Artist (Lengzem/ Lenglawng)
Zaii Hauchhum

7. Best Beat Group
The Prophets

8. Best Choir
Synod Choir (2020-2022)

9. Best Music Video
Zing dar 6 (Young Fella)

10. Best song composer
K. Hminga

11. Song of the year
Tui leh mei (SaiWanah)

12. Best Musician
Ben OPa

13. Best Announcer
PC. Lalremruati (DDK)

14. Writer of the year
Lalhruaitluanga Chawngte

15. Sports person of the year (Male)
Lallianzuala Chhangte (Football)

16. Sports person of the year (Female)
Lalremsiami (Hockey)

17. Entertainer of the year
Mastea

18. Best Rapper
G'Nie

19. Best Film
Nukawki Pasal

20. Best Youtuber
Zo Inspiration.

21. Special Award
Jeremy Lalrinnunga, Weightlifter. Gold Medalist Commonwealth Games.

22. Lifetime Achievement Award
Revd H. Killuaia