Olly Murs-an nakkumah nupui neih a tum

British singer, Olly Murs chuan a nupui hual, Amelia Tank chu nakkum nipui a rawn thlen veleh a nupui tak ni tura a duh thu a sawi. Amelia hi bodybuilder a ni a, Olly chuan a hma thei anga inneihpui a duh thu a sawi.

Kum 38 mi ,pop star hian an hma lam hunah chhungkaw duhawm tak din a chak tawh thu sawiin, naute neiha hun hman a chak tawh hle tih a sawi a ni.

"Heart Skips a Beat" hitmaker leh kum 30 mi Amelia-te hi gym aṭanga inhmelhriat ṭanin, kum thum chhung chu an lo inzui tawh. Amelia hi Covid-19 hripui len zual hma, April 2020 khan Olly kiangah a khawsa tawh a, hei hian an inngaihzawnna kawngah nasa takin an inkar a ngheh phah tih sawiin, inkharkhip karah an hmangaihna chu nasa takin a par vul phah a ni, a ti.