Google CEO Sundar Pichai-an Padma Bushan dawng

United States-a India ambassador, Taranjit Singh Sandhu chuan India rama civil mi chawimawina sang pathumna Padma Bhushan chu Google leh Alphabet hotu, Sundar Pichai hnenah a hlan.

Kumin kumtir lama Padma Bushan dawng tur mi 17 puan zingah khan Pichai hi a tel a, trade and industry category-ah he chawimawina hi hlan a ni.

Chawimawina a dawn zawha thu a sawiah, "India peng pakhat ka ni a, ka kalna apiangah ka keng tel a ni," tiin IIT Kharagpur chhuak Pichai chuan amah chher hriamtu ram chu a tun dinhmun thlen theih chhan a nih thu a sawi.