Koinonia-in award dawng

Koinonia Water Plant chuan International Quality Crown (IQC) Award an dawng.

Koinonia hi Mizorama Industry ṭhangduang tak a ni chho mek a, United Kingdom aṭangin award hi hlan an ni. November 25-26 khan award hi hlan an ni a, GOLD category-ah a dawng a ni. Koinonia Water Plant & Koinonia Juice Plant Owner/Partner Dr. Vanlalchhanhima Ralte chuan he Award hi BID Group One, President & CEO hnen aṭangin Lon­don-ah a zu dawng a ni.

Dr. Vanlalchhanhima Ralte chuan, "Award kan dawng thei hi kan lawm a, hun lo la kal zel tur atan pawh chona thar ṭha tak a ni. Manufacturing unit leh marketing unit lamah pawh ṭhang lian zel turin hma kan la chho zel ang" a ti.