Khiangte Construction Ṭhazual Lengzem Chart chung berah Awmtea Polymer 'Vangpui'

Khiangte Construction Ṭhazual Lengzem chart thar berah 'Thlasik rim' hmanga Zoram awitu, Awmtea Polymer hla thar "Vangpui" chu pakhatnaah a rawn inhlangkai.

He hla mawi taka beat leh recording chu a satu, Awmtea Polymer kutchhuak a ni a, hla mawi tak phena video hmuhnawm tak min chhawpchhuah sak tu chu Chamtea Grafix a ni. Awmtea hian hla hit tak tak a lo tichhuak tawh a, tuna mi pawh hi a hit chho leh viau mai. Awmtea Polymer YouTube channel lamah phei chuan thlirtu nuai 5 chuang a nei leh der tawh a ni.

Grace 10:45 leh Manuna
Chart lama hmasawn chak tak Grace 10:45 hla, 'Vawi sawmli leh nga' chu pahnihnaah a rawn invawrh chho a, Hard Ray aṭanga mite hriat lar, Manuna hla thar ber, 'I hmel a ṭha' chuan pathumna dinhmun a rawh hauh bawk.

Chart-a hla lang dangte
JOD 'Drama Lalnu' chu palinaah awmin, Siampuii leh Casper thawhdunna hla, 'Suangtuahna' chu pangana a ni. Jt Production ft Rachel Lalnunkimi, Sangpuii Hlondo & David Zawma, Tetea Renthlei, Mais Bee & El K leh Mary Dawngi-te chu Ṭhazual Lengzem chart top 10-a inhlangkaite an ni.