MZP Inter High School Quiz 2017 Kids Care School an thiam ber

MZP Inter High School Quiz 2017 chu kar kalta Zirtawpni zan khan zawhfel a ni ta a, a pumpuiah Kids Care School te chu an thiam ber. Quiz hi Ignite Studio, Khatla-ah neih niin, school 13 an tel a ni.

Final-ah hian school pathum an inel a, Kids Care School, Ramhlun chu an vannei ta a ni. Pakhatna hian Rs. 30,000, Citation leh Trophy an dawng a, pahnihna chu Living Water School niin, Home Missions school chu pathumna a ni. Pahnihnna leh pathumnate hian pawisa fai Rs. 20,000/- leh Rs. 10,000/- bakah, citation leh trophy an dawng.

Final zan hian Lalnunmawia Pautu; General Secretary MZP chuan programme a kaihruai a, Quiz Organising Secretary Lalruatfela chuan report a pe a ni. MZP president L. Ramdinliana Renthlei chuan zirlaite fuihna thu a sawi bawk.