Mnet Asian Music Award 2017-ah BTS leh EXO an ropui

Mnet Asian Music Award (MAMA) 2017 chu kar kalta Zirtawpni zan khan Hongkong-ah sem a ni a, Korean boy band BTS leh EXO-te'n award ngaihhlut an dawng.

EXO album 'The War' chu 'Album of the Year' atan thlan a ni a, a zawna he award ṭum nga an dawnna a ni ta. EXO album hi a hlawhtling hle a, tlangzarh a nih aṭanga ni 24 chhung lekin copy maktaduai khat chuang hralh chhuah niin, award pawh a dawng hnem ta mawlh mawlh hle. EXO hian MAMA-a record an neih sa chu an rawn khum leh a, Album of the Year ṭum nga dawng thei awmchhun an ni ta. Hei mai hi a ni lo a, tun tumah hian Global Fan's Choice award an dawng bawk.

Artist of the Year atan BTS chu thlan an ni a, anni pawh hian he award hi nikum khan an lo dawng tawh a ni. BTS hian 'Best Asian Style' award an dawng bawk. Song of the Year atan Twice hla 'Signal' chu thlan a ni.

Mnet Asian Music Award 2017
Artist of the Year - BTS
Album of the Year - EXO
Song of the Year - Signal (Twice)
Best New Male Artist - Wanna One
Best New Female Artist - Pristin
Best Male Artist - Zico
Best Female Artist - IU
Best Male Group - Wanna One
Best Female Group - Red Velvet