MZI-in Mizo Rimawi Award sem dawn

Mizo Zaimi Inzawmkhawm (MZI) General Headquarters leh LPS Vision Production ṭangkawp chuan Mizo Rimawi Award an sem dawn. Award hi December December 21 leh 22 khian sem a ni ang.

Award sem hi dik leh felfai taka kalpui tum a ni a, Mizoram chhunga Mizo chengte chauh ni lo, ram pawna Zohnahthlakten an duh zawng an vote ve theihna turin ruahmanna siam a ni. SMS hmanga vote tur a ni dawn a, a vote na tur hi puanzar leh thuai a ni ang.

Category hrang hranga nominee te hi siamfel a ni tawh a, category 19 a awm ang. Heng zinga category 15-te hi mipui thlan tur a ni. Category hrang hranga nominee thlan chhuah nan hian Aizawl khawpui chhunga zirna in hrang hrang leh District Capital tin leh khaw hrang hrangah questionnaire sem chhuah a lo ni tawh. Questionnaire chhanna hmang hian category tina nominee-te hi thlanchhuah an ni.

Best videographer thlan a ni dawn bawk a, Technical Com­mittee thlan tur a ni ang. Life Time Achievement Award sem a ni dawn bawk a, Award Board-te'n an thlang ang.