Juice WRLD 'Legends Never Die' a sang ber
Tunkar Billboard 200 Chart-ah kar hmasaa pakhatna Juice WRLD 'Legends Never Die' tho pakhatna a ni a, Pop Smoke 'Shoot For The Stars Aim For Moon' chu pahnihna ni lehin The Chicks 'Gaslighter' chu pathumna a ni.
'Legends Never Die'
American rapper fam ta Juice WRLD studio album pathumna 'Legends Never Die' hi July 10 khan tlangzarh a ni a, Trippie Redd, Marshmello, Polo G, The Kid Laroi, leh Halsey-te nena an zai hona pawh he album-ah hian a awm a ni.
Tlangzarh a nih aṭanga kar khat hnuah album-equivalent unit 497,000 hmu nghalin Billboard 200 chart-ah hian No.1 a ni nghal a, tunkarah pawh hian khum thei an la awm lo. Ram dang eng emaw zatah pawh No.1 dinhmun hi a hauh thei a, chung zingah chuan UK leh Canada album chart pawh a tel. 'Legends Never Die' album aṭang hian single panga 'Righteous', 'Tell Me U Luv Me', 'Life's a Mess', 'Come & Go', leh 'Wishing Well'-te chu tihchhuah ni tawhin a hit hlawm hle a ni.
The Chicks 'Gaslighter'
Pop Smoke 'Shoot For The Stars Aim For Moon' pawh kar hmasaa a dinhmun ngai pahnihna bawk a ni leh.Chi inthliarna thil nia ngaih vanga band tunhnai lawka band hming thlak Dixie Chicks ni tawh loa The Chicks inti tate album thar, July 17-a tlangzarh 'Gaslighter' chu Billboard 200 chart-ah an rawn inlan thar bawk a, Dixie Chicks hla ngaithla ṭhinte tan chuan he album hi ngaihven chi ang. An album thara mi hla pali chu single-in an tichhuak tawh a ni.
A kar 252-na atan Hamilton: An American Musical
Chart hmasaa pathumna Original Broadway Cast 'Hamilton: An American Musical' chu a kar 252-na atan Billboard 200 Chart-ah an lang leh a, palina an ni.Lil Baby 'My Turn' chu pangana a ni ve bawk. 'My Turn' hi kar 21 lai Billboard 200 chart-ah hian a inlan tawh bawk.
Billboard 200 Chart Top 10:-
1 Juice WRLD Legends Never Die
2 Pop Smoke Shoot For The Stars Aim For Moon
3 The Chicks Gaslighter
4 Original Broadway Cast Hamilton: An American Musical
5 Lil Baby My Turn
6 Jhene Aiko Chilombo
7 Post Malone Hollywood's Bleeding
8 DaBaby Blame It On Baby
9 Harry Styles Fine Line
10 The Weeknd After Hours