Taylor Swift khûm thei an awm lo ; Krismas hlate'n thawm rawn nei ṭan

Taylor Swift hla hit, 'Anti Hero' chuan Billboard Hot 100-ah a zawnin kar ruk chhung pakhatna dinhmun a luah ta a, Hot 100 chart chanchinah kar ruk chhung pakhatna hauh thei single 10 chiah an la awm a, chung zingah chuan 'Anti Hero' hming pawh hi thailan a ni ve ta a ni. 

Hot 100-a Swift hla No.1 ni rei thei ber chu kum 2014-15 inkara mi “Blank Space” kha niin, kar sarih chhung pakhatna a lo ni tawh a, he record duhawm tak nihrual tur hian kar khat chhung a cham a la ngai thung a ni.

Chart lamah Krismas hla ri a ring
Hunpui apianga hla rawn alh thar leh ṭhin, kum 1994 daih tawha an tihchhuah Mariah Carey hla chuai thei lo, “All I Want for Christmas Is You” chu pahnihnaah a rawn invawrh leh tawh a, US-a stream nei hnem ber dinhmun a hauh nghal bawk. 'Greatest of All Time Holiday 100 Songs'-ahte hial pawh thlan a lo ni tawh a ni. 

Krismas hla dang, Andy Williams-an kum 1963-a tihchhuah, “It’s the Most Wonderful Time of the Year” chu pakuanaah awmin, kum 1984-a tihchhuah, Wham! “Last Christmas” chu 10-na awmin hla hluite pawh herlum chhoh mek an ni.

Hot 100-ah a zawna No. 1 ni rei te:
“Anti-Hero,” Taylor Swift (kar ruk)
“Butter,” - BTS (kar sarih/a zawn loin kar 10)
“Drivers License,” - Olivia Rodrigo (kar ruk)
“God’s Plan,” - Drake (kar 11)
“Hello,” - Adele (kar 10)
“Born This Way,” - Lady Gaga (kar ruk)
“Candle in the Wind" / "Something About the Way You Look Tonight,” (kar 14)
“I’ll Be Missing You,” - Puff Daddy & Faith Evans feat. 112 (kar 11)
“One Sweet Day,” - Mariah Carey & Boyz II Men (kar 16)
“Fantasy,” - Mariah Carey (kar riat)