TIME’s magazine '2022 Entertainer of the Year' atan Blackpink an thlang

An hming kan sawi aṭangin tute nge an nih tih inhrilhfiah leh chuan ngai tawh lo, South Korean girl group, Blackpink chuan khawvel huapa an larna rawn chhawmnung zelin, TIME magazine chuan '2022 Entertainer Of The Year' atan a puang.

Blackpink hian September thla khan 'Born Pink' album an tichhuak a, Korean girl group zingah album hralh hnem ber record an rawn siam nghal a, album maktaduai 2 chuang zet an hralhchhuak tawh.

K-pop act zingah, BTS chuan kum 2018 khan he chawimawina hi an lo dawng tawh a, Blackpink hi dawng thei pahnihna an ni.

Hetihlai hian, Blackpink chuan Europe leh Asia-ahte tun thla aṭanga ṭanin nakkum thleng tour neiin an zin kual dawn a ni