Kum inthlau tak ni mah ila, kan inkarah harsatna a awm lo - Cher

American singer, lemchanthiam leh television personality, Cher chuan amah aia kum 40 vela naupang, tuna a kawppui Alexander “AE” Edwards nena an inngaihzawnna chuan mipui ngaihven a hlawh hle tih a hriat thu sawiin, mite ngaihdanah ka buai phah lo a ni, a ti.

The Kelly Clarkson show-ah kum 76 mi lai ni tawh Cher chuan tuna a kawppui, kum 36 mi Alexander nena an inkar chungchang chu sawi langin, "A nihna takah chuan thil nuihzatthlak tak pawh a ni, mahse a tak ramah erawh kan inkawp rem hle. Mi ropui tak a ni a, mipa te hi an phu lo chungin ka fak der thiam hek lo," tiin a kawppui nen kum inthlau tak ni mah ila, an inkarah harsatna a awm loh thu a sawi.

Cher leh Edward-te hi September thla khan Paris Fashion Week aṭangin an inzui ṭan a, rapper leh music executive Edward hian a hmain Amber Rose nen fa pakhat kum thum mi, Slash Electric an nei.