UN Ambassador thar Ellie Goulding

British singer Ellie Goulding chu UN En­vironment Global Good­will Ambassador thar atan ruat a ni.

Goulding hian kar hmasa lawk khan UN hnen aṭang hian 'Global Leadership Award' a dawng a, tunah chuan UN ambassador atan hian ruat a ni zui ta a ni. Goulding hian environment chereu tur venna kawngah hma a la dawn a, ramsa leh thilnung chereu mai theite venhim leh an inthlahpun leh theihna tura hma lakna kawngah hma a la ang. Hei bakah hian climate change nasa lutuk veng turin a campaign dawn bawk a ni.

British singer chuan, "UN Goodwill Ambas­sador atana ruat ka ni hi ka lawm tak zet a, chawimawina ropui tak a ni. Hna ṭha taka ka thawh theihna turin in thlawpna leh puihna ka mamawh dawn a, ṭha taka kan thawhho theih ka beisei" tiin a phur tawh thu a sawi. Kum naupang zawkte hnena environment humhalh pawimawh zia zirtirna pek chu thil pawimawh tak a nih thu sawiin, khawvel chhe zel tur veng tura campaign chu thil tih makmawh a nih thu Goulding chuan a sawi bawk.