Zemabawk YMA-in an Jubilee pualin music video tichhuak
Zemabawk YMA Zaipawl chuan an Platinum Jubilee lawmna ni pah fawmin music video an siam a, kar kalta Inrini khan tlangzarh a ni.
An music video hi 'Han dawn chiang teh u' tih a ni a, Central YMA President Vanlalruata chuan a tlangzarh a ni.
He hla hi Pu Lalhmachhuana Zofa phuah a ni a, Mizo hnam leh ram hmangaihna lam hawi hnam hla a ni.
A hla thuah hian Zorama hnam chi hrang hrangte inkara lungrualna leh inpawhna ṭha tak awm mek vawnnun zel a pawimawh thu te tarlan a ni.
Hei bakah hian chi bil inhung bikna chuan hnam inlungrualna a tichhe thei tih tarlan niin, inngeih tlang leh lungrual taka chengho tura infuihna lam tarlan a ni.