Jurassic World teaser a chhuak

Jurassic World chhuar thar tur 'Fallen Kingdom' teaser chu tun hnai khan tlangzarh a ni a, youtube lamah en a hlawh nghal hle.

Jurassic World : Fallen Kingdom hi nakkum June thlaa tlangzarh tura ruahman a ni a, a vuak hot nan Universal chuan teaser hi an tichhuak a ni. Mahse tun ṭuma mi hi chu a aitechhinna chauh a la ni a, Ningani hian a full trailer chu tihchhuah a ni chauh ang. Chris Pratt chu a changtupa ber a ni dawn a, dinosaur lianpui puite nen an inhmachhawn leh dawn a ni. Bryce Dallas Howard chu a changtunu tur a ni a, Jeff Goldblum leh Toby Jones te an lang zing viau dawn bawk.