Film star Shashi Kapoor a thi

Veteran Bollywood actor Shashi Kapoor chu December 4, Thawhṭanni khan kum 79 mi niin a thi.

Shashi Kapoor hi kal ṭha lo avangin Kokilaben Dhirubhai Ambani Hospital, Mumbai-ah a thi a, uitu leh lainattu a ngah hle a ni. Film a lo chanpui ṭhin Amitabh Bachchan chuan Kapoor hi a ui tak zet tih a sawi a, a kalsan tak a chhung leh khatte a tawrhpui thu a sawi bawk. Kapoor leh Amitabh-te hian film eng emaw zat an lo chang dun tawh a, chung zingah chuan 'Deewaar', 'Suhaag', 'Kabhie Kabhie', 'Trishul', 'Silsila' leh 'Namak Halaal' te chu a lar zual an ni.

Kapoor hi kum 1938 khan Kolkata-ah a piang a, film indusrty-ah a hlawhtling hle. Actor a nih piah lamah producer a ni tel bawk a, Hindi film bakah English film eng emaw zatah a lo inlan tawh a ni.