Vawiinah Apache RR 310 tlangzarh dawn

TVS Motor Company chuan Apache RR 310 chu vawiin hian an tlangzarh dawn.

TVS Apache RR 310 hian ngaihven a hlawh hle a, a teaser pawhin thlir a hlawh hle. Vawiin hian Chennai-ah tlangzarh a ni dawn a, Mizoramah chuan tun thla tawp lam hian a lo thlen theih beisei a ni. Apache RR 310 hi 'Akula 310' tih leh 'RR 310S' tia sawi a ni a, kum 2016 khan Delhi Auto Expo-ah pho chhuah a lo ni tawh a ni. A pian zia leh lan dan pawh a nalh fu a, rawng chi hnih - a sen leh a pawl chauh a awm thung dawn a ni.

He bike chhuak thar tur hi a Cubic Centimeter (CC) pawh a sang viau a, 313cc lai niin, 34 horsepower a ni bawk.

Apache RR 310 hi TVS bike siam chhuah tawh zinga chak ber leh a man pawh sang ber tur a ni a, a man hi cheng nuai 2.1 vel ni tura ngaih a ni.