Box Office-ah Coco khum thei an la awm lo!
Box Office-ah Coco chuan ro a rel chhunzawm zel a, he fantasy/mystery film hi sum lakluh tam lamah khum thei an la awm lo.
Coco hi October 27 khan tlangzarh a ni a, sum a hailut hnem tawh hle. Kar liam ta chhung khan $mtd 26.1 zet a la lut leh a, a sum lakluh tawh zawng zawng zat chu $mtd 172.3 zet a ni tawh. Coco hi tun kar aṭangin France, Germany leh Spain-ahte chhuah ṭan a ni a, a sum lakluh pawh hi a pun chhoh viau a rinawm.
Box office-a pahnihna chu Justice League bawk a ni leh a, kar liam ta chhunga a sum thawhchhuah zat chu $mtd 16.6 a ni. Justice League siam nana budget hi $mtd 300 zet a ni a, November 16 khan tlangzarh niin, a sum lakluh tawh zawng zawng chu $mtd 567.4 a tling tawh. Wonder chuan $mtd 12.5 la lutin, sum la lut tam pathumna a ni. Box Office-a hun eng emaw chen pakhatna lo ni tawh Thor: Ragnarok pawh a sum lakluh a la tam viau a, palina a la luah phak. Kar liam ta chhung khan $mtd 9.7 lalutin, a sum lakluh tawh zawng zawng belhkhawm chu $mtd 816.4 a ni hem mai!
Sum lalut tam zual 10 zingah hian Daddy's Home 2 pawh a tel leh a, Murder On The Orient Express, Lady Bird, Three Billboards Outside Ebbing, Missouri, The Star leh A Bad Moms Christmas te an lang bawk. A Bad Moms Christmas hi November thla tir khan tlangzarh a ni a, a boruakin a zir chho bawka box office-ah a hmel kan hmu rei ta hle. Sum lakluh tam lamah erawh a turu lutuk lo a, $mtd 95.5 chiah a la lut a ni.