RP-a Ralte hla youtube-ah an hlut

Tun laia hla lar tak RP-a Ralte sak 'Tudang Ka Ngai Tawh Lo'ng' dance version chuan youtube-ah entu maktaduai khat a nei tling ta a, Mizo hla bika entu ngah ber pawl a ni.

'Tudang Ka Ngai Tawh Lo'ng' tih hlaah hian Mathew Peka leh Hoyabia Renthlei te an lam a, August thla khan youtube-ah upload a ni. Thla li a ral meuh chuan Mizo hla zinga entu maktaduai khat nei tling hmasa ber leh awm chhun nia hriat a ni.

He video hi Alan Rin­awma (Mizo Dance Camp) choreograph leh siam niin, Matthew leh Hoyabia te talent neih ṭhat zia kan hmu. Anni hi Mizo Dance Camp-a kum khat chuang lo zir tawh an ni.

Mizo Dance Camp hian kum danga ang bawkin karleh tawp lam khian 'Winter Show' an buatsaih leh dawn a ni.