Synod Choir-in Krismas hla pahnih tichhuak

Mizoram Synod Choir (2016-2018) term te chuan Krismas hla thar pahnih - 'Beiseina eng' tih leh 'Kum sul vei' te an tichhuak.

An hlate hi Synod Choir Conductor Lal­lianmawia Tlau chuan a arrange a a, 'Kum sul vei' tih hla hi Kristian hlabu a mi a ni. Recording hi CTJ Recording Studio, Aizawl Venglai kut­chhuak niin, a video hi Mawitea Hau­chhum (RDS Shots) chuan a siamsak thung. Synod choir hian hun eng emaw chen Krismas hla an tihchhuah tawh loh hnuah, a rualin pahnih an tichhuak leh ta a ni.

Tuna Synod Choir term kallai mek hian “Isu ka hmangaih che” tih hla leh "Krista leh Kohhranah" tih hla single an lo tichhuak tawh a, youtube leh local channel lamah en theihin a awm. Tun ṭuma an hla thar pawh hi local channel lamah a en theih bakah, youtube-ah pawh upload a ni. Music video hi album a tihchhuah tumin hma an la mek a, nakkum KTP General Conference-ah release an tum a ni.

Synod Choir hian kum tir aṭang khan hla zirnaah thawhlawm bawm an dawh ṭhin a, pawisa tling khawm hi mi harsa zawkte hnenah Krismas chibai buk nan an sem dawn a ni.