John Mayer a lawm

American singer John Mayer chu a rilphir lamah harsatna a tawh vangin Thawhlehni khan emergency-in Hospital-ah dah luh a ni a, zai nghal a ni.

John Mayer hi New Orleans-ah concert nei tur a ni a, mahse a taksa lamah harsatna a tawh avang hian an programme neih tur chu sawn hlat a ni ta zawk a ni. December 7 leh 8-a Florida-a concert a neih tur pawh sawn hlat nghal a ni a, concert neih leh hun tur hi puan a la ni lo. Hetih lai hian Mayer hi a ṭha leh tawh a, harsatna tawh avang hian a fan-te chung­ah thupha a chawi tawh a, an thlawpna avang­in lawmthu a sawi bawk.

Mayer hi kum 2015-a din Dead & Company-a an hmatheh ber a ni a, an band member te hi Grateful Dead member hlui - Bob Weir, Mickey Hart leh Bill Kreutzmann te an ni. Dead & Company hian tour an neih mek pawh eng tiangin nge an kalpui dawn an la puang lo bawk.