Selena-i'n IG account a private

'Queen of Instagram' an tih Selena Gomez chuan a instagram account chu private-in a dah mauh mai a, a chhan an inrinsiak luai luai mai.

Selena hi milar zinga Instagram-a follower ngah ber a ni mek a, mi maktaduai 130 chuangin an follow a ni. IG-ah hian a chanchin mipui hriata tarlan a duh vak rih lo niin khawthlang media-te chuan an sawi a, a thlalak vel pawh engmah post a duh rih lo niin an sawi. Hetih lai hian 'Bad Liar' singer hian reh hlen a tum lo a, tun hnai lawk pawh khan IG-ah hian thu eng emaw a post niin an sawi. Billboard cover story-a an hman chungchang a tarlang a ni awm e.

Selena hi Billboard 2017 'Woman of the Year' atan thlan a ni a, November 30 khan Los Angeles-ah chawimawina hlan a ni. Selena hi a kal thlak sak a ni a, a ṭhian hnai tak Francia Raisa chuan kal hi a pe a ni. Selena chuan Woman of the Year award a dawn pawh hi Francia hnenah hlan zawk nise a duh thu a sawi a, a nun chhantu hi a dah sang hle a ni.

Selena hian a taksa lamah harsatna a tawk lehte a nih loh chuan nakkum lam khi chuan album tihchhuah ngei a tum.