Tea Board of India Promoter-ah Mizo nula

Tea Board of India chuan an promoter atan Mizo model Nethel Chawng­thu chu kum khat atan contract an ziahpui. Chhinga veng nula hi kum khat chhungin pro­motional hrang hrang­ah a inlan ang a, Mizoram leh state pawn thlengin hun a hmang ṭhin dawn a ni.

Tea Board of India hi thingpui chin uar a, tihlar a, ram pawn thlenga thawn chhuak tura sorkar laipuiin a din a ni a, April 1, 1954 khan din a ni.

Kolkata-ah head­quarters an nei a, India ram bakah, London, Moscow leh Dubai-ahte office an nei bawk. Tea Board of India hi sorkar laipui hnuaia mi a nih angin thingpui thawn chhuah tur endiktu ber an ni bawk a, thingpui zirchianna (research) an buaipui ṭhin bakah, thingpui quality hrang hrang tehtu ber an ni.