Triau Trackx-in 1960 fan version tichhuak dawn

Triau Trackx chuan an music video tihchhuah thar 1960 chu fan version siama tihchhuah leh an tum.

1960 hi local channel leh youtube lamah a hit viau a, entu pawh an ṭha­hnem hle. Hei hi hriain an fan-te tan hun an hawn sak a, an hla lip sync hrang hrang an lakhawm dawn a ni. Video hi High Definition (HD) tur a ni a, mtgcpivl@gmail.com ah thawn mai tur a ni.

Triau Trackx hian Dur­tlang tleirawl Lalram­chhuani hla phuah 'Zan Tawnmang' tih chu an sak sak a, a lyrics video chu nizan khan youtube-ah upload a ni. Band member Ramenga chuan, "Mi hla kan sa ngai meuh lo a, hetih rual hian Lalramchhuani talent neih ṭhat zai kan hriat avangin a hla hi kan sak sak ta a ni" a ti.