Hot Tour chart-ah Green Day an sang ber

Green Day chuan Hot Tour chart-ah dinhmun sang ber an luah a, an sum lakluh zat chu $mtd 6.2 a ni.

Green Day hian thla 14 chhung zet 'Revolution Radio Tour' an nei a, continent pali an fang. September 2016 aṭang khan tour hi an nei ṭan a, kumin November thla khan an zo fel chiah a ni. North America leh Europe lamah hun tam zawk an hmang a, Australia, Mexico leh New Zealand-ahte vawi eng emaw zat concert an nei. Brazil lamah pawh show an nei nual a, São Paulo khawpuiah pawh concert hi an nei a ni.

American rock band Green Day hi Bon Jovi chuan an dawt a, an sum lakluh zat chu $mtd 3.8 a ni. Bon Jovi pawh hian Brazil lamah tour hi an nei a, an hlawhtling thawkhat hle. Aerosmith pawh chart-ah hian an lang a, palina an ni. An sum lakluh zat hi $mtd 2.2 lai a tling.

Hetih lai hian kar hmasa lama pakhatna Enrique Iglesias & Pitbull te chu tun ṭumah hian hmuh tur an awm ta lo. Anni hian North America lamah tour hlawhtling tak an nei a, vawi 35 zet concert an neih hnuah November 22 khan tour hi an zo fel a ni. An sum lakluh pawh a turu hle a, $mtd 40 zet a ni.

Hot Tour Chart Top 10
1. Greeen Day - $6,221,359
2. BonJovi - $3,820,640
3. Ricardo Arjona - $3,595,100
4. Aerosmith - $2,279,735
5. Billy Joel - $1,641,808
6. Miguel Bose - $1,544,853
7. Dead & Company - $1,479,555
8. Def Lepard - $1,373,654
9. Trans-Siberian Orchestra - $1,344,106
10. Stevie Nicks - $1,194,260