FIFA World Cup final-a trophy khuhhawng tur Deepika Padukone?

Film lama chawimawi ngaihhlut ber zinga mi, Cannes Film Festival 2022-a India aiawha jury member hial ni thei, kum36 mi, lemchanthiam Deepika Padukone chu 2022 FIFA World Cup final-ah USD mtd 20 man hu trophy khuhhawng tura thlan a nih thu India rama news agency lianten an tarlang tlat mai.

Report hi a dik anih chuan India tana mellung pawimawh tak phumtu a ni thei dawn a ni. FIFA World Cup final hi December 18 hian Lusail Stadium-ah neih a ni ang.

Tunhnaiah a ṭha zawnga thawm ngah tak Deepika hian Shah Rukh Khan leh John Abraham-te nen 'Pathaan' film-ah an chang ho dawn a, Amitabh Bachchan leh Prabhas-te nen 'Project K'-ah an inlan bawk ang. A pasal Ranveer Singh channa 'Cirkus'-ah a lo inlan tawh bawk a ni.