Local Music Festival hmasa ber a hnai ta

Mizoramah a vawi khatna atan Local Music Festival neih tum a ni. He festival hi tun Inrinni (10.12.22)-ah Mizo Brewery, I n d u s t r i a l G ro w t h C e n t e r, Sakawrtuichhunah neih a ni ang. Mizorama musician ṭha ber berte ṭang khawmin, hun nuam tak hman tum a ni. Boomarang,

Avora Records, G'nie, Benjamin Sum, Jeff n’ Empy, Your Sweetest Memories, Jelo, Fish in the frame, leh Pangpari te an perform ang.

He event hi Mizo Brewery, Local Event House leh Bby Animals te'n buatsaihin, sponsorship hi hmun hrang hrang aṭangin dawn a ni. Main sponsor te hi Lawm from the hills leh R&S Complex an ni a. Supporting sponsors te hi ELK Business House, Mars Photo Lab, VL Machinery and Tools, Shawarma Hut, RTP Bajaj, Cookie Jar, Lapar, Queens, MNR CCN te an ni.

Sponsorship aṭanga sum lo lut hi musician-te tan a vaia pek tum a ni. Hemi zana perform tur Avora Records chuan, "Mizoram hi North-East ah chuan hnam dangin an tlawh pawh tlêmna ber kan ni hial ang. Kan ram mawi zia leh kan thiam thil neih ṭhat zia hre reng chungin hemi festival hi a pen khatna tur anga ruahman a ni.

He event hi tun mai ni lo, kum tin a aia ropui leh changtlung zawka buatsaih leh zel tum a ni." tiin Vanglaini an hrilh.