Reiek-ah MZI inkhawmpui lian

Mizo Zaimi Inzawmkhawm (MZI) chuan nimin aṭang khan vawiin thleng Reiekah inkhawmpui lian (general conference) an hmang a, hruaitu thar an thlang nghal dawn a ni.

MZI inkhawmpui lian hi December ni 8 zanah palai lawmna inkhawma hman niin, a thlengtu Reiek bialtu MLA Lalrintluanga Sailo khuallian a ni a, Reiek VCP Lalrozama khualzahawm a ni thung ang.

Vawiin lamah nilengin rorel leh hruaitu thar thlangin hun an hmang dawn a, rorel hlanin rorel palaia tel lo ten Reiek Tourist Resortah hun an lo hmang bawk ang. Tlai dar 4-ah inkhawm a awm leh ang a, Jt Director, Art & Culture Department Carol VLMS Dawngkimi khuallian a ni ang a, 'Unity Through Music' tih thupuia hmangin MZI Library subcommittee Chairman Rosiamngheta'n thu a sawi ang.

Zanlamah MZI member kaltate sunna leh hruaitu hlun chawimawina inkhawm a awm dawn a, Minister C Lalrinsanga khuallian niin, MZI Life member, Lalduhoma, MLA khualzahawm a ni thung dawn a. MZI inkhawmpui lianah hian inkhawm hrang hrang kar lakah leh, ban hnu lamah te hun hlimawm hmangin, MZI member zaithiam leh rimawi tum thiam ten hun an an hmang nghal dawn a ni.