Cabello-i'n January-ah Album tlangzarh dawn

Camila Cabello chuan ama puala a vawi khat nan album a tichhuak dawn a, nakkum January-ah tlangzarh a ni ang.

American-Cuban singer Karla Camila Cabello Estrabao hian tun hnai khan a album tihchhuah tur chungchang hi a sawi chhuak a, "Engkim peihfel a ni tawh" a ti. A album thar tur hi kum khat dawn a buaipui tawh a, January 12-ah tlangzarh a ni dawn ta a ni. Hei hi a fan-te tan chuan thu lawmawm tak a ni ngei ang.

Cabello hian American girl group 'Fifth Harmony' chhuahsanin amahin a kal hrang a, a hlawhtling zui viau. Kuminah hla pathum - Havana, Bad Things leh Crying in the Club te a tichhuak tawh a, Havana phei chu Billboard chart-ah pawh kan hmu zing malh malh hle. Young Thug nena an sak dun Havana hi internet lamah vawi maktaduai 263 zet stream a ni tawh bawk.