Taylor Swift ‘Midnights’ in RIAA Top Platinum hmu thar

Recording Industry Association of America (RIAA) chuan Taylor Swift studio album thar ber 'Midnights' chu top platinum album of 2022 atan an thlang.

RIAA chuan thla 12 liam taa tihchhuah album 13 leh single 68-te chu certified gold leh platinum an pe a, chung zinga unit maktaduai 2 chuang zet hralh chhuak tawh leh, certified double-platinum-a puan 'Midnights' chu kumina album tihchhuah zinga ṭha berah an thlang

a ni.

Single list zingah Em Beihold hla, “Numb Little Bug”, Lil Baby “In A Minute” leh “Right On,” Nicki Minaj “Super Freaky Girl,” OneRepublic’s “I Ain’t Worried,”leh hla dangte chu platinum single-ah thlan an ni. Gold singles list lamah Armani White “BILLIE EILISH,” dv4d’s “Romantic Homicide,” GloRilla’s Cardi B thawhdunna “Tomorrow 2,” -te thlanchhuah an ni bawk.

Swift hian album a tihchhuah aṭangin record hrang hrang siamin thawm a rawn nei lian thar leh hle a, RIAA list chu a ropuina tibelhchhahtu pakhat an ni. Nilainia sem zawh tak, People’s Choice Awards-ah Female Artist of 2022, Album of 2022, leh Music Video of 2022 “Anti-Hero”-te a dawng bawk a ni.

'Midnights' tihchhuah a nih aṭanga thla khat liam hnuah Billboard 200 chart roreltu a la ni chhunzawm thei a, Adele-i'n kum sarih liam taa record a lo siam, kar li chhung a zawna album unit nuai 2 chuang hralh chhuak leh thei awmchhun a ni.

November thla khan Swift chuan mellung pawimawh bik rawn siam lehin, artist zingah kum khat chhung No.1 hauh thei hmasa ber nihna a rawn chelh. Midnights a tihchhuah hnu lawkah kar 52 chhung (a zawn ni lo) chart chung berah hun a hmang tawh tihna a ni.