LE SSERAFIM Japanese single hmasa ber a hnai

Sakura, Kim Chae-won, Huh Yun-jin, Kazuha leh Hong Eun-chae-te awmna LE SSERAFIM chuan an Japanese single hmasa ber “FEARLESS” chu nakkum January 24 hian an tlangzarh dawn.

HYBE leh Source Music ṭangkawpin girl group an tlangzarh hmasa ber hian February 17-ah CD version angin an tichhuak bawk dawn a ni.

Kumin May thlaa an debut mini album 'FEARLESS' an tihchhuah hnuah, LE SSERAFIM hian an lead single "Fearless" chu an hlawhtlin pui nghal hle a, ni 100 chhung lekin mi maktaduai 100 chuangin an music video hi an en tawh. Record thar rawn siamin, kum 2022-a K-Pop girl group debut zingah anni aia hlawhtling leh entu ngah hi an awm lo.

An mini album pahnihna ANTIFRAGILE chu Billboard 200-ah 14-naah a rawn debut-a , chart-a K-Pop girl group debut thei sang ber an ni.

An lead song “FEARLESS,” an tihchhuah rual hian, “Blue Flame” Japanese version leh an band original Japanese hla hmasa ber, a hla hming la tarlan loh an tichhuak nghal dawn bawk a ni.