Kanye West-a Honorary Doctorate Degree laklet sak

The School of the Art Institute of Chicago chuan kum 2015, May 11-a Kanye West hnena honorary doctorate degree an hlan chu an laklet sak.

Kanye West hnena he chawimawina an laklet sak chhan chu anti-Black, Juda mite huatna ṭawngkam, chi inthliarna lam hawi zawng leh thu dengkhawng tak tak a bikin, mihang leh Juda mipuite chunga ṭawngkam chaltlai tak tak a hman ṭhin avangte a nih thu college thuchhuah chuan a tarlang.

"Ye chetdan hi SAIC thiltum leh ngaihhlutzawng nen a inperhsan em avangin he honarary degree hi kan lakletsak ta a ni," an ti.

Kanye thawhpui ṭhin brand tam tak an inhnuhdawh hnuah, vanduainain a tlakbuak chhunzawm zel a, celebrity ṭhahnem takin social media kaltlangin rapper an demna thu hi an tarlang tawh bawk. Kum 2024-a US president inthlan chuh tuma a hmalakna kal zelah a symbol atan arsi chhunga swastika chei danglam a hman avangin a Twitter account chu an lo tihtawp-sak tawh bawk a ni.