Virat Kohli leh Anushka te an inkutsuih

Indian cricketer lar Virat Kohli chuan actress Anushka Sharma chu 'Tiam tlat e' a tihpui ta a, Thawhṭanni khan Italy-ah an inkutsuih a ni.

An inneihna hmun hi Borgo Finocchieto resort, Siena Province niin, Hindu danin an innei. An inneih tur thu hi an puang lawk lo a, an chhungkhat laina leh ṭherual ṭhate chauhin an hriatpui. A hmunah pawh sawm bikte chauh an tel a, a bul velah erawh paparazzi an ṭhahnem hle thung.

Kum 29 mi Anushka Sharma hi Bollywood actress lar tak a ni a, kum 2014-a tihchhuah 'PK'-ah khan a chang a, film lar leh hlawhtling tak 'Sultan'-ah khan a chang bawk. An inneihnaah pawh hian mi lar an tam hle a, chung zingah chuan Amitabh Bachchan, Shah Rukh Khan, Priyanka Chopra, Shahid Kapoor leh Anil Kapoor te pawh an tel.

Virat leh Anushka te hian an inneih pual hian December 21 leh 26 ah New Delhi-ah reception buatsaih leh an la tum cheu bawk.