Box Office-ah Coco-in ro a rel zel

October thlaa tlangzarh Coco film chuan Box office-ah ro a rel zui zel a, kar liam ta chhung khan $mtd 18.3 zet a lalut leh.

He fantasy film hian hun eng emaw chen chu sum lalut hnem ber dinhmun hi a lo luah tawh a, tunah pawh khum thei an la awm chuang lo. Tlangzarh a nih aṭanga a sum lakluh tawh zawng zawng hi $mtd 280 a tling tawh. Box Office-a pahnihna chu Justice League a ni a, a sum lakluh tawh belhkhawm chu $mtd 567.4 zet a ni. November 16-a tlangzarh ni chauh mah se, US leh khawvel ram hrang hrangah sum a lalut hnem hle a ni. Kar liamta khan US-ah ringawt $mtd 8.5 a lalut leh a, a lakluh belh zel dawn niin a lang.

Pathumna chu Wonder a ni a, hun eng emaw chen pakhatna lo ni tawh Thor: Ragnarok chu panga-naah a awm. Thor: Ragnarok siam nana an budget hi $mtd 180 zet a ni a, senso a tam ang ngeiin a sum lakluh pawh a namai lo hle. Tun thlenga sum lakluh tawh zawng zawng hi $mtd 816.4 a tling tawh a, sum lakluh tam lam aṭanga teh pawhin film hlawhtling ber pawl a ni. Daddy's Home 2 pawh a sang 10 zinga a lang leh a, Murder On The Orient Express chu pasarihna niin, The Star leh Lady Bird ten dawtin, $mtd 3.2 lalut thei Just Getting Started chuan hnu a khar thung.

Box Office
1. Coco - $mtd 18.3
2. Justice League - $mtd 9.6
3. Wonder - $mtd 8.5
4. The Disaster Artist 1 - $mtd 6.4
5. Thor: Ragnarok - $mtd 6.3
6. Daddy's Home 2 - $mtd 6.0
7. Murder On The Orient Express - $mtd 5.1
8. The Star - $mtd 3.7
9. Lady Bird - $mtd 3.5
10. Just Getting Started - $mtd 3.2