Music-a luh leh duh Lindsay Lohan

American actress Lindsay Lohan chuan a lo chenchilh tawh ṭhin music chu thlah harsa a tih thu sawiin, luhchilh leh a duh thu a sawi.

Lindsay Lohan hian zaiin bul a ṭan a, lar pawh a lar hman viau. Album pahnih a tichhuak tawh a, kum 2004 khan 'Speak' tichhuakin, a kum lehah 'A Little More Personal (Raw)' a tichhuak leh bawk. Hemi hnu hian film industry a luhchilh a, a hlawtling viau tho. Heti chung hian music-in a lung a len bang thei lo a, tunah chuan luhchilh leh te pawh a duh leh tawh niin an sawi.

Kum 31 lai ni ve tawh Lohan chuan, "Music khawvelah hun eng emaw chen ka lo cheng tawh a, a ṭha zawngin ka nunah nghawng tam tak a nei a ni. Hringnunah hian zir tur tam tak a awm a, a daia dai ngaite pawh a awm. Tunah chuan film chan lam aiin music lama kir a lang a, mahse enge thleng ang ka sawi lawk thei lo" a ti. Tunah hian Dubai-ah a cheng mek a, a seilenna New York lamah a kir dawn hnai niin an sawi. Hemi chungchang hi sawiin, "New York-ah ka kir a nih chuan music lam kir leh ka duh vang pawh a ni mahna" tiin a sawi bawk.