Mariah Carey-i'n Krismas a urlawk

'Queen of Christmas' an tih Mariah Carey chuan Krismas lo thleng tur chu a urlawk leh nasa tawh viau a ni awm a, a fate tan Santa Claus lim lian tawk tak a lei sak.

Mariah Carey hian an in leh a vel pawh a chei mawi leh tawh viau a ni awm a, an inchhungah Santa Claus lim lian tak a hung a, hei hi a faten Krismas awmzia an hriat theih nana ti a nih thu a sawi. American singer chuan, "Ka nunah Krismas hian hmun pawimawh a chang tlat a, he hun a lo thlen dawn hi chuan ka phur hle ṭhin. Keimah ang bawka ka fate pawh an phurna turin an tan theihtawp ka chhuah zel ang" tiin a fate tana a inpek thu a sawi. Tunah fa pahnih Moroccan leh Monroe te a nei a, kum ruk mi niin phir an ni nghe nghe.

Carey hian kum 1994 khan 'All I Want For Christmas Is You' a tichhuak a, tun thlengin a la lar. He album hlawhtling tak avang hian 'Queen of Christmas' tia sawi hial a ni.