Youtube-in music streaming thar duang
Youtube chuan music streaming service thar tihchhuah leh tumin hma an la mek a, nakkum March thla khian tlangzarh hman beisei a ni.
Youtube hian a hmain Spotify leh Apple Music te an lo tichhuak tawh a, a pathumna tur an buaipui leh mek a ni. Khawvela record label lian pathum - Warner Music Group, Sony Music Entertainment leh Universal Music Group te chu inziak lut nghal tura sawi rik an ni. Mahse tlangzarh a la nih miau loh avangin thil chiang a la awm lo thung. Hemi chungchangah hian youtube offial-te chuan thuchhuah an siam tawh a, music streaming service thar tlangzarh thuai a ni dawn an ti a, Billboard pawhin thuchhuah an siam ve tawh bawk.
Hetih lai hian Google chuan ṭan an lo la ve mek bawk a, Google Play leh YouTube Music Key an tihchhuah tawh ang zulzuiin service dang an duang mek nia tarlan a ni. YouTube Music Key hi kum 2015 khan YouTube Red tia thlak a ni a, mobile phone hmangtuten an hla ngaihthlak duh zawng awlsam zawk leh advertisement awm loa an ngaihthlak theih nana tih a ni.