Taylor Swift-i'n lawmpuitu a ngah

Taylor Swift chuan December 13, Nilaini khan kum 28 a tling a, a pianchampha phak lawm­puitu hi an ṭhahnem hle. Camila Cabello, Karlie Kloss leh a ṭhian hnai tak Selena Gomez te chu duhsak hlantu zingah hian an tel a ni.

Gomez hian Swift nena an thlalak leh video hrang hrangte chu social media lamah a tarlang a, a ṭhiannu hi duhsakna sang ber a hlan thu a sawi. Selena leh Taylor te hi an inkawm ngei viau a, nikkuma Selena-i'n kum 24 a tlin pawh khan Swift hian duhsakn a hlan bakah, an thlaklak hrang hrangte a lo tarlan sak ve tawh bawk. Swift hian November thla khan album thar 'Reputation' a tlangzarh a, kumin hi atan chuan kum ṭha leh chhinchhiah tlak tak a nih thu a sawi.