YouTube Billion views club-ah The Weeknd hla hit "Save Your Tears"

Canadian singer, The Weeknd chuan a hla hit "Save Your Tears" chu YouTube-ah entu tluklehdingawn khat a nei tling ta a, heti hian Billion view video panga a nei tling tawh a ni. “Save Your Tears” hi The Weeknd album 'After Hours'-a a single tihchhuah palina a ni.

The Weeknd-an he hla a tihchhuah phat aṭanga khan nalh ti tu an tam nghal hle. Khawvel puma digital format hrang hrang bakah, subscription streaming, ad-supported platform leh single-track downloads and streams hmanga single hralh tla ber thlang chhuak ṭhin, International Federation of the Phonographic Industry (IFPI) chuan kum 2021-a Global Digital Single Award an hlan a, kum 2020 vek khan “Blinding Lights” hmangin he chawimawina hlu bik hi a lo dawng tawh. Canadian artist zingah kum hnih chhung a zawna he award dawng thei hmasa ber a ni.

Kum 2021 vek khan, khawvela music video network nei zau ber, Vevo chuan music video viewership a zirchiannaah, “Save Your Tears” hian khawvel pumah entu mtd 615 leh US bikah mtd 102.9 neiin, hei hian mite thinlunga a tlak nat zia leh lar zia a rawn nemnghet a, he video aia view nei hnem hi an awm lo.

The Weeknd-an he hla a hlawhtlinpui theihna chhan lian bera chhal ngam chu Superbowl performance vang kha a tih theih a, Billboard Music Awards, Juno Awards, leh BRIT Awards lamahte a hla a vawrh lar chhoh zel avangin kum 2021-a artist thawm nei lian ber pawl tiha sawi theih a ni.