Zaninah Mizo Dance Camp Winter Showcase

Mizo Dance Camp chuan kum danga an lo neih ṭhin tawh 'Winter Showcase' chu zanin hian Hawla Auditorium-ah an buatsaih leh dawn.

He hunah hian Mizo Dance Camp-in kumin chhunga video an tihchhuah zinga a 'hit' zualte live-in an perform dawn a ni. Winter Showcase-a an show tur zingah hian MDC Despacito, Tu Dang ka ngai toh long, Zurui Tawngtaina bakah, he show atan bika siam Beyonce Tribute, Freak­show, We found love bakah, solo dance leh zirlai te lam hmuhnawm tak tak a awm dawn. Hei bakah hian MDC Cho­reographer thar ten an choreo phuah tharte an show dawn a, zirlaite an lam bawk ang.

Mizo Dance Camp hi kum 2014 khan din a ni a, kum tin Summer leh Winter Showcase an buatsaih ṭhin. Show-ah hian MDC Team member leh zirlaiten lam style hrang hrang hmangin show hmuhnawm tak an lo chhawpchhuak tawh ṭhin a ni. Zanin bikah hian entry fee Rs. 50 a ni ang.