Britain's richest musicians Sir Elton John aiin Rihanna a hausa zawk

Sunday Times-in Britain's richest musicians list tih­chhuah thar berah composer Sir Andrew Lloyd Webber leh Sir Paul McCartney-te chu an hausa ber a, an hausak zawng chu £mak­taduai 800 anga chhut a ni.

Andrew Lloyd Webber hian musicals 13 a phuah tawh a, film score pawh pahnih ziak tawhin UK-ah chuan a lar hle. Oscar, Emmy, Grammy leh Tony award dawng vek thei mi 15 awm zinga pakhat a ni a, kum 1992 khan Queen Elizabeth II chuan knighthood a lo hlan tawh bawk.

Sunday Times Britain's richest musicians list-ah The Beatles member ṭhin pahnih an lang a, Sir Paul McCartney bakah hian Ringo Starr a lang bawk.

Ringo Starr hi pasarihnaah awmin £mtd 260 vel nei angin an chhut. The Beatles ropuiṭhin zia kan hria a, vawiin thlenga musician hausa list-a an la lang phak pawh hi a mak lo hle.

'Umbrella' singer UK-a khawsa mek Rihanna chu  hausa ber dawttu niin  £mtd 468 a nei a, Sir Elton John aiin a hausa zawk. Britain music legend Elton John chuan  £mtd 360 a nei anga chhut a ni a, Rihanna hi a tluk ta lo a ni.

Musician-te hausak zawng hi music aṭanga an sum lakluh aṭang chauha chhut a ni lo a, Rihanna hi a lingerie leh cosmetics line vangin a hlawh­tling hle a, a zaithiam piah lamah heng a brand-te avang hian sum a hailut hnem hle niin an tarlang.

Elton John hi Mick Jagger chuan dawtin musician hausa list-ah hian Keith Richards, Ed Sheeran, Rod Stewart leh Sting-te pawh an lang ve bawk.

Andrew Lloyd Webber     -    £mtd 800 

Paul McCartney     -    £mtd 800 

Rihanna     -    £mtd 468 

Elton John     -    £mtd 360 

Mick Jagger     -    £mtd 285 

Olivia and Dhani Harrison    -    £mtd 270 

Keith Richards    -    £mtd 270 

Ringo Starr     -    £mtd 260 

Michael Flatley     -    £mtd 206 

Ed Sheeran     -    £mtd 200 

Rod Stewart     -    £mtd 200