Almay Brand Ambassador thar Lucy Hale

American cosmetics brand lar Almay chuan lemchan thiam Lucy Hale chu an brand ambassador thar a nih thu Thawhlehni khan an puang.

Lucy Hale pawh hian Thawhlehniah vek khan Almay ambassador thar a nih thu leh phurawm a tih thu Instagram lamah a tarlang ve bawk.

Hale hi Almay hmel lanna ber pakhat a ni ve dawn ta a, Elaine Irwin Mellencamp, Kate Hudson leh Carrie Underwood-te hnung a zui ve dawn ta a ni.

'Fantasy Island' star chuan Almay product chu a fak zui hle a, a vun leh a taksa a enkawlna kawnga harsatna a tawh ṭhinte chu Almay product chuan a sutkian sak tih a sawi.

Kum 30 mi Hale chuan 'Pretty Little Liars' an chan laite pawh khan a vun ṭhat loh avangin a chang chuan a hna a thawh theih loh ṭhin thu sawiin, Almay a hman aṭang chuan a vuna harsatna a tawh ṭhin chu a ziaawm phah thu a sawi a ni.