UK leh Ireland-a kum 30 hnuai lamah Harry Styles a hausa ber ; UK pawn lamah Kylie Jenner a hausa fál

Heat magazine-in tunhnaia UK leh Ireland-a artist kum 30 chin hausakna a zirchiannaah Harry Styles chuan a vawi khatna atan hausa ber nihna a rawn hauh. Kum hmasa lama pakhatna Ed Sheeran chu kum 31 a ták avangin rimawi leh lemchan khawvela kum ṭha hmang mek Harry chu a chung berah a rawn inhlangkai ta a ni.

Harry bakah One Direction lama a member pui, Niall Horan, Liam Payne leh Zayn Malik-te hming pawh a rawn lang a, victoria secret model Cara Delevingne hming pawh a lang. 'Future Nostalgia' tour hlawhtling taka a neih hnuah, Evian leh YSL-te nen inremna lian tak an neih leh tak avangin zaithiam hmasawn chak Dua Lipa chu pariatna aṭangin pahnihnaah a rawn invawrh dawrh a ni.

Hetih lai hian, UK pawn lam celebrity-te hausak zawng tihchhuahah Keeping Up with the Kardashians star Kylie Jenner chu a sumdawnna ṭhang duang tak avangin a hausa fal leh hle a, pahnihna Justin Bieber aiin a let deuh thawin sum a ngah zawk a ni. Rimawi lamah thawm nei lo mah se, kum 29 mi Miley leh Ariana-te chu list-ah hian an lang phak tho a, K-pop boy band BTS chu pangana an ni.

UK leh Ireland-a kum 30 chin hnuai lam artist hausa zualte :
1. Harry Styles, (28) £ mtd 116
2. Dua Lipa (27) £ mtd 69.1
3. Cara Delevingne (30) £ mtd 63.8
4. Niall Horan (29) £ mtd 58.4
5. Louis Tomlinson (30) £ mtd 48.3
6. Liam Payne (29) £ mtd 47.4
7. Zayn Malik (29) £ mtd 38
8. Sam Smith (30) £ mtd 37.8
9. Daisy Ridley (30) £ mtd 36.1
10. John Boyega (30) £ mtd 28.8

UK pawn lama Celebrity hausa zualte:
1. Kylie Jenner (25) £mtd 770
2. Justin Bieber (28) £mtd 397
3. Miley Cyrus (29) £mtd 225
4. Ariana Grande (29) £mtd 192
5. BTS £mtd 123