Liam Payne-an famta Queen Elizabeth pualin lemziak tlangzarh

One Direction member, Liam Payne chuan rimawi piah lamah a thiamthil rawn pholangin, an ram lalnu fam Queen Elizabeth II hriatrengna, oil painting hmanga a lemziah chu social media kaltlangin

a pholang.

Kum 29 mi, English singer hian Queen lem ziak zo tur hian darkar 50 chuang zet hun a hman thu a sawi. Payne hian King George IV-an kum 1820-a lalnu pual bik liau liaua a siamsak, State Diadem diamond crown chu a khumtir a ni.

Payne hian Queen pasal Duke of Edinburgh pualin, kum 1950 hunlaia a thlalak zulzuia a ziahsak pawh rawn pholang bawkin, an pahnih thlahna thu a tarlang nghal.

Queen Elizabeth II hi September 8 khan kum 96 mi niin Scotland-a Balmoral Castle-ah a thi a, Queen pasal, Prince Philip chu nikum April thla khan kum 99 mi niin a thi a ni.